by ramrali
@ 2007-07-29 - 11:05:55
చిన్న కోరిక!
కోరను దేవా! . . నిన్నేదియు కోరను!!
కోరక ముందే . . . .
నా అవసరాలను దీర్చే నిన్నేమి కోరను?!
నే పొందే సుఖ-దు:ఖాలన్నీ నా మంచిని కోరి
నీవే ఇస్తున్నప్పుడు . . నే నింకేమి కోరేది??
కోరక తప్పదందువా? అయితే;కోరెద!!
'సర్వే జనా సుఖినో భవంతు ' అని,
'తమసోమా జ్యోతిర్గమయ 'అని,
'మృత్యోర్మా అమృతంగమయ ' అని;
ఇలా కో రే మా ఆర్యుల కోరికలను
యదార్థం చేయమని కోరెద!!
నీ పై నా భక్తి ప్రపత్తులని ఇంకా . . .
బల పడేలా చేయమని కోరెద! ఇంకా. . . !
నా ఇంట నిత్యాన్న దానం జరిగేలాగున,
అను నిత్యం . . . నా ఇంటి నించి . . . ;
ధన-ధాన్యాదులు బీదా-బిక్కికి అందేలాగున ,
సర్వ వ్యాధి నివృత్యర్థం . . . జరా మృత్యు నివారణార్థం
వ్యాధి గ్రస్తులకూ యితర ఆర్తులకూ . . ,
నా ఇంటినించి అమృతం
ప్రవహించుకుంటూపోయి అందే లాగున-
ఓ చిన్న వరం ప్రసాదించమని కోరెద!!
No Comments/Trackbacks for this post yet...