శ్రీ సాగి శివ సీతా రామ రాజు స్మారక కళాపీఠం-విజయనగరం వారు జిల్లా స్థాయిలో నిర్వహించిన కవితల పోటీలో ప్రథమ పురస్కారాన్ని అందుకున్న కవిత!
అంతర్ మథనం
ఓకవి! . .
మస్తిష్కాన్ని మథించాడు
'విషం', పుట్టింది!
దాన్ని కాగితం మీదొలికించాడు
ఆ గరళం మింగిన జనం కొట్టుకు చచ్చారు
కుల, మత,భాషా ద్వేషాలని రగిలించే గరళమది!
ఓ కవి! . .
మస్తిష్కాన్ని మథించాడు
'శ్రీ' లక్ష్మి పుట్టింది!
"శ్రీ'పొందుతో గిలగిల్లాడి చచ్చాడా కవి?
మఖలో పుట్టి పుబ్బలో మాడాయతని కవితలు!
ఓ కవి! . .
మస్తిష్కాన్ని మథించాడు!
'బురద ' ,పుట్టింది!
బురద లో జనం కూరుకు పోయారు
వావి వరసలొదిలి పతితులయ్యారు!
ఓ కవి . . !
మస్తిష్కాన్ని మథించాడు!
'అమృతం', పొంగింది!!
పీయూష పానం తో జనులమరులయ్యారు!
కవితలతనివి చిరస్మరణీయాలయ్యాయి!!
నేడు -
'గరళం', తాగే గరళ కంఠుడు లేడు!
'శ్రీ',ని చేకొందుకు శ్రీ పతి రాడు!!
'బురద ',ను పన్నీరు గావించే
ఆదివరాహంపుట్టదు!!!
అందుకే -
'అమృతం పొంగే దాకా నా అంతర్మథనం!?'
ఓ కవీ! . .
నీ అంతర్మథనం లో ఏం పుడుతుందో ఎవరికెరూ?
కవి వైతే 'కవి ',గా వుండు! 'కపి ',గా మారకు!!
'పీయూషం' పుట్టేదాకా అంతర్మథనం కొన సాగించు!
ఆ పై ; కాగితం పై అక్షరాలను విదిలించు!!!
| Ist Class Kavita. Chala Chala bagundi
Posted by: Mr. Tyaga Raju Atreyapurapu At: 24, Jan 2007 10:12:35 PM IST |
Namaskaramulu.
mee Antharmathanam chala bagundi..
naa Mounam pai mee vishleshana chala bagundi..
nenemi pedda kavini ganu kani, mee prothsaham naku entho utthejanichindi..
Dhanyavadamulu..
Posted by: Mr. pujraj At: 17, Jan 2007 12:52:50 PM IST
No Comments/Trackbacks for this post yet...